Президент Қасым-Жомарт Тоқаев Салтанат Нүкенованың өліміне қатысты істі жеке бақылауына алды. Бұл туралы Президенттің кеңесшісі әрі баспасөз хатшысы Берік Уәли мәлімдеді, - деп хабарлайды Massaget.kz тілшісі.
"Мемлекет басшысы Түркістандағы бес жасар қыздың және Астанадағы Салтанат Нүкенованың резонанстық өлтіру фактілерін жеке бақылауына алып, құқық қорғау органдарына нақты міндеттер жүктеді. Президент Ішкі істер министрі Ержан Сәденовке, Бас прокурор Берік Асыловқа, Жоғарғы Сот төрағасы Асламбек Мерғалиевке әйелдер мен балаларға қатысты зорлық-зомбылық фактілерін болдырмау қажет екені туралы қатаң ескертті", - деді Берік Уәли Kazinform агенттігіне берген сұхбатында.
Өзекті жаңалықтарды өз уақытында оқу үшін Facebook парақшамызға жазылыңыз!