Тоқаев "Отан Ана" монументіне гүл шоғын қою рәсіміне қатысты
![Тоқаев "Отан Ана" монументіне гүл шоғын қою рәсіміне қатысты](/userdata/news/news_83051/image_l.jpg)
Мемлекет басшысы Қасым-Жомарт Тоқаев "Отан Ана" монументіне гүл шоғын қою рәсіміне қатысты, - деп хабарлайды Massaget.kz тілшісі.
Президент елордадағы "Отан Ана" монументіне гүл шоғын қойып, Ұлы Отан соғысы жылдарында қаза тапқан жауынгерлеріміздің рухына тағзым етті.
Содан кейін президенттік оркестр Мемлекеттік әнұранды орындап, Құрмет қарауылы ротасы шараға қатысушылардың алдынан салтанатты түрде сап түзеп өтті.
Шара соңында Қасым-Жомарт Тоқаев ардагерлермен әңгімелесті. Президент оларды Жеңіс күнімен құттықтап, барша отандасымызға зор денсаулық, амандық тіледі.
Айта кетейік, бұған дейін Президент жарлығымен екі бірдей ҰОС ардагеріне "Халық қаһарманы" атағы берілген болатын.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Ж. Қадыржанова