Тоқаев ЖЕЭК басшыларымен не туралы сөйлескені белгілі болды
![Тоқаев ЖЕЭК басшыларымен не туралы сөйлескені белгілі болды](/userdata/news/news_84089/image_l.jpg)
Мемлекет басшысы Жоғары Еуразиялық экономикалық кеңестің шағын құрамдағы отырысына қатысты, - деп хабарлайды Massaget.kz тілшісі Ақордаға сілтеме жасап.
Президент Жоғары Еуразиялық экономикалық кеңестің (ЖЕЭК) Мәскеуде өткен кезекті отырысына қатысты.
Шағын форматта өткен жиынға Мемлекет басшысы Қасым-Жомарт Тоқаевпен қатар Ресей Федерациясының президенті - ЖЕЭК төрағасы Владимир Путин, Армения премьер-министрі Никол Пашинян, Беларусь президенті Александр Лукашенко, Қырғызстан президенті Садыр Жапаров, сондай-ақ, Еуразия экономикалық комиссия алқасының төрағасы Михаил Мясникович қатысты.
Жиын барысында мемлекеттер басшылары Еуразиялық экономикалық одақтың қызметі мен даму перспективаларына қатысты өзекті мәселелер жөнінде пікір алмасты.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
С. Бөлек