Тоқаев жазушы Шерхан Мұртазаның ескерткішіне гүл шоғын қойды
![Тоқаев жазушы Шерхан Мұртазаның ескерткішіне гүл шоғын қойды](/userdata/news/news_77916/image_l.jpg)
Президент Қасым-Жомарт Тоқаев жазушы Шерхан Мұртазаның ескерткішіне гүл шоғын қойды, - деп хабарлайды Massaget.kz тілшісі Ақорданың баспасөз қызметіне сілтеме жасап.
Мемлекет басшысы ескерткіштің жанында жергілікті зиялы қауым өкілдерімен жүздесіп, белгілі қаламгердің ұлт руханиятын дамытуға зор үлес қосқанын айтты.
"Шерағаң - халқымыздың біртуар азаматы, заңғар жазушы десек артық айтқандық емес. Жас кезімізден бастап біз бәріміз оның "Қызыл жебе" романын, басқа да шығармаларын оқыдық. Әсіресе, "Бір кем дүние" туындысы әлі күнге дейін өзекті. Халқымызға, әсіресе, жастарға рухани азық болған дүние деп айтуға болады. Сондықтан жазушының ескерткішіне арнайы келіп, тағзым етіп отырмыз", - деді Мемлекет басшысы.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Ж. Қадыржанова