Тоқаев, Жапаров пен Мирзиеев кездесуінде қандай қорытынды жасалды?

Орталық Азия мемлекеттері басшыларының IV консультативтік кездесуінде бірқатар мәлімдеме мен бағдарлама қабылданды, - деп хабарлайды Massaget.kz.

Кездесу қорытындысы бойынша Орталық Азия мемлекеттері басшыларының Консультативтік кездесуінің бірлескен мәлімдемесі, өңірлік ынтымақтастықты дамытудың 2022-2024 жылдарға арналған жол картасы, Орталық Азия мемлекеттерінің көпжақты формат аясындағы өзара іс-қимылдар тұжырымдамасы, Орталық Азияға арналған "Жасыл күн тәртібі" аймақтық бағдарламасы қабылданды.

Бұдан бөлек Қазақстан Республикасы, Қырғыз Республикасы, Тәжікстан Республикасы, Түрікменстан және Өзбекстан Республикасы арасындағы Орталық Азияны ХХІ ғасырда дамытуды көздейтін достық, тату көршілік және ынтымақтастық туралы шарт келісілді және оған қол қою рәсімі басталды.

Сонымен қатар, Аралды құтқару халықаралық қорының құрылтайшы мемлекеттері басшыларының Аралды құтқару халықаралық қоры президентінің өкілеттіктерін ұзарту туралы шешімге қол қойылды.