Мемлекет басшысы денсаулық сақтау министрін тағайындады, - деп хабарлайды Massaget.kz тілшісі.
"Мемлекет басшысының жарлығымен Ақмарал Шәріпбайқызы Әлназарова Қазақстан Республикасының денсаулық сақтау министрі лауазымына тағайындалды", - деп жазылған хабарламада.
Ақмарал Әлназарова туралы не белгілі?
Ақмарал Әлназарова 1971 жылы Қызылордада дүниеге келген. Алматы мемлекеттік медицина институтын педиатрия мамандығы бойынша бітірген. Ол - медицина ғылымдарының докторы.
Еңбек жолын Қызылорда қаласындағы балалар ауруханасының қабылдау бөлімшесінің дәрігері болып бастаған.
1997-1999 жылдары - Педиатрия және балалар хирургиясы ғылыми орталығының Қызылорда филиалының кіші ғылыми қызметкері.
1999-2001 жылдары - Қызылорда облысы Денсаулық сақтау басқармасының бөлім бастығы, бөлім бастығының орынбасары.
2001-2003 жылдары - Қызылорда облыстық балалар ауруханасының бас дәрігері.
2003-2004 жылдары - Қызылорда облысы Денсаулық сақтау басқармасының басшысы.
2005-2007 жылдары - Денсаулық сақтау министрлігі Медициналық қызметтер көрсету саласындағы бақылау комитетінің Қызылорда облыстық басқармасының басшысы.
2007-2013 жылдары - Қызылорда медициналық колледжінің директоры.
2013-2014 жылдары - Қызылорда облысы әкімінің орынбасары.
2014-2015 жылдары - Қызылорда облыстық мәслихатының хатшысы.
2015-2019 жылдары - Қызылорда облысы Денсаулық сақтау басқармасының басшысы.
2019-2020 жылдары - "Нұр Отан" партиясы Қызылорда облыстық филиалы төрағасының бірінші орынбасары.
2020-2024 жылдары - Парламент Сенатының депутаты.
2024 жылғы 6 ақпаннан бастап денсаулық сақтау министрі лауазымына тағайындалды.
Аптаның басты оқиғалары мен пайдалы видеоларды көру үшін YouTube арнамызға жазылыңыз
Ж. Қадыржанова