Тоқаев БҰҰ Қауіпсіздік кеңесін реформалауға қатысты пікір білдірді

Қазақстан президенті Қасым-Жомарт Тоқаев Қазандағы БРИКС плюс саммитінде сөз сөйледі, - деп хабарлайды Massaget.kz тілшісі.

"Қазақстан БҰҰ Қауіпсіздік Кеңесін реформалауды және оны Африка, Латын Америкасы мен Азиядан келген жаңа мүшелер есебінен кеңейтуді қолдайды. Жаһандық оңтүстік елдерінің дауыстары бейбітшілік пен қауіпсіздік мәселелерін шешуде маңызды болуы керек. БРИКС бұл процесте жаһандық басқару құрылымында орта державалар мен дамушы экономикалардың өкілдігін күшейту арқылы шешуші рөл атқара алады", - деді Тоқаев "БРИКС плюс" форматындағы кездесуде.

Мемлекет басшысының айтуынша, Қазақстан БРИКС-ті жаһандық прогрестің қозғаушы күштерінің бірі ретінде қарастырады.

"Қазақстанның 2023 жылы сыртқы сауда айналымының жартысына жуығы болатын бірлестік елдерімен сауданың серпінді өскенін мәлімдейміз", - деп қосты Қазақстан Президенті.

Сонымен қатар ол Қазақстан БРИКС кеңістігінде транзиттік-көліктік ынтымақтастықты нығайту үшін тығыз өзара іс-қимылға дайын екенін мәлімдеді. Қазақстан "белдеу және жол" бастамасын, сондай-ақ "Солтүстік-Оңтүстік" халықаралық көлік дәлізін одан әрі дамытуға ерекше мән береді.

Аптаның басты оқиғалары мен пайдалы видеоларды көру үшін YouTube арнамызға жазылыңыз