Қасым-Жомарт Тоқаев Азиядағы өзара іс-қимыл және сенім шаралары жөніндегі кеңестің (АӨСШК) бас хатшысы Қайрат Сарыбайды қабылдады, - деп хабарлайды Massaget.kz тілшісі.
Бас хатшы Қайрат Сарыбай Президентке ұйымның 2022 жылғы 6-саммитінде қабылданған АӨСШК трансформациясы жөніндегі Астана мәлімдемесінде көрсетілген негізгі бағыттардың орындалу барысы туралы мәлімет берді.
Бұдан бөлек, форумның тұрақты институттарының жұмысы, орнықты өзара байланыс, қаржылық серіктестік, экология салаларындағы бастамаларды белсенді жүзеге асыру, сондай-ақ Азия елдері кеңістігінде жастар арасындағы және білім саласындағы тәжірибе алмасу перспективалары жөнінде баяндалды.
Кездесу соңында Қасым-Жомарт Тоқаев АӨСШК мақсаттары мен міндеттерін, сондай-ақ ұйымның Астанада өткен 6-саммитінде көтерілген бастамаларды іске асыру маңызды екеніне назар аударды.
Қызықты жаңалықтар мен видеоларды көру үшін TikTok арнамызға жазылыңыз!