Тоқаев "Алтынемел" музейіндегі жәдігерлерді толықтыра түсу керегін айтты
![Тоқаев "Алтынемел" музейіндегі жәдігерлерді толықтыра түсу керегін айтты](/userdata/news/news_93260/image_l.jpg)
Мемлекет басшысы Қасым-Жомарт Тоқаев Шоқан Уәлиханов атындағы "Алтынемел" мемориалдық музейіне барды, - деп хабарлайды Massaget.kz тілшісі.
Президентке Шоқан Уәлихановтың өмірі мен еңбек жолы, әскери қызметі, тарихи-этнографиялық, георафиялық зерттеулері және ғұмырының соңғы кезеңі туралы тарихи деректер мен жәдігерлер таныстырылды.
Қасым-Жомарт Тоқаев Шоқан Уәлиханов жайлы жазылған еңбектердің бәрін оқып шыққанын еске салып, оның зерттеу жұмыстарымен таныс екенін айтты. Сонымен қатар Президент музейдегі жәдігерлерді әлі де толықтыра түсу керек екеніне назар аударды.
Президент Құрметті қонақтар кітабына қолтаңбасын қалдырып, музей қызметкерлерімен әңгімелесті.
Былтыр Мемлекет басшысының тапсырмасы бойынша музейге және осы мәдени-туристік нысанға баратын жолға жөндеу жұмыстары жүргізілген еді.
Қызықты жаңалықтар мен видеоларды көру үшін TikTok арнамызға жазылыңыз!
М. Лұқпан