Тоқаев 16 наурызда Анкараға жұмыс сапарымен барады
![Тоқаев 16 наурызда Анкараға жұмыс сапарымен барады](/userdata/news/news_79886/image_l.jpg)
Фото:
Ақорда
Мемлекет басшысы Қасым-Жомарт Тоқаев 16 наурызда Түркия президенті Режеп Тайып Ердоғанның шақыруымен Түркі мемлекеттері ұйымының кезектен тыс саммитіне қатысу үшін Анкараға жұмыс сапарымен барады, - деп хабарлайды Massaget.kz тілшісі Ақорданың баспасөз қызметіне сілтеме жасап.
Іс-шара барысында ұйымның апат пен төтенше жағдайлар менеджменті және гуманитарлық көмек саласындағы қызметінің басым бағыттары, соның ішінде табиғи апаттарға қарсы күрес жөніндегі ынтымақтастықты үйлестіруге және нығайтуға қатысты мәселелер қарастырылады.
Сапар барысында Мемлекет басшысы Түркия президентімен кездесу өткізеді деп жоспарланып отыр.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Ж. Қадыржанова