"Тілі аузына сыймайды". Астанада 62 жастағы науқасқа ерекше операция жасалды
!["Тілі аузына сыймайды". Астанада 62 жастағы науқасқа ерекше операция жасалды](/userdata/news/news_88353/image_l.jpg)
62 жастағы пациенттің тілін резекциялау бойынша ерекше операция жасалды, - деп хабарлайды Massaget.kz тілшісі ДСМ баспасөз қызметіне сілтеме жасап.
Операцияны Ұлттық ғылыми онкология орталығының мамандары жасаған. 62 жастағы науқасқа макроглоссия диагнозы қойылған.
Пациенттің тілінің мөлшері үлкен болған. Ұзындығы 16-18 сантиметрге дейін және ені шамамен 10 сантиметр және қалыңдығы бірнеше сантиметр болған.
Айта кетейік, макроглоссия - тілдің шамадан тыс ұлғаюымен сипатталатын сирек кездесетін патология. Бұл ауруда тіл аузына сыймайды, сондықтан кейбір пациенттер жиі аузын ашып жүруге мәжбүр болады. Макроглоссия көбінесе тыныс алудың, әсіресе түнде, жұтыну және сөйлеу бұзылуына әкеледі, өмір сүру сапасын едәуір нашарлатады.
Мұндай патологияның сирек жағдайларына және хирургиялық тәжірибенің болмауына байланысты барлық медициналық мекеме операцияны қабылдауға дайын емес.
Пациент ұйқы кезінде тыныс алудың бұзылуынан (апноэ), жұтынудың бұзылуынан және сөйлеудің бұзылуынан зардап шекті. Соматикалық жағдай бірқатар жүретін ауруларды күшейтті: жүректің ишемиялық ауруы, миокард инфарктісі, коронарлық тамырларды аортокороналдық шунттау операциясы, жоғары дәрежелі артериялық гипертензия, қант диабеті, церебралдық атеросклероз, созылмалы вертебробазилярлық жеткіліксіздік.
Ауыр соматикалық жағдайды ескере отырып, пациентті кардиологтар, кардиохирургтар, невропатологтар, эндокринологтар 3 ай бойы мұқият зерттеп, қарады. Осыдан кейін, ҰҒОО басшылығының мақұлдауымен пациент емдеуге жатқызылды және операция жасалды.
Операциядан кейінгі ерте кезеңде реанимацияда болған кезде пациентте жіті жүрек жеткіліксіздігі дамыды. Реаниматологтардың, кардиологтардың, эндокринологтардың, орталықтың пульмонологтарының және басқа да көптеген мамандардың күшімен пациент осы жағдайдан шығарылды.
Одан әрі жағдай өте қанағаттанарлық болды, резекцияланған тілдің операциядан кейінгі емделуі асқынусыз өтті, пациент амбулаториялық емдеуге 12-ші күні шығарылды.
Екі айдан астам уақыт өткеннен кейін операцияның оң нәтижесі байқала бастады. Науқастың жағдайы өте қанағаттанарлық. Тіл әдеттегі өлшемдерге ие болды. Өмір сапасы айтарлықтай жақсарды. Жұтыну қалыпты жағдай. Біртіндеп бейімделу мен сөйлеуді қалпына келтіру процесі жүргізіліп жатыр екен.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
С. Сатыбалдина