Терезесі жоқ кеңседе жасанды жарықта жұмыс істеудің теріс әсері қандай?

Ғалымдар терезесі жоқ кеңседе жұмыс істеу қандағы қант деңгейіне әсер етуі мүмкін екенін анықтады, - деп хабарлайды Massaget.kz тілшісі MedicalXpress-ке сілтеме жасап.

Зерттеу аясында екінші типтегі қант диабетімен ауыратын 13 зейнеткер кеңсе жағдайында 10 күнге жуық уақыт өткізді. Тәжірибенің бірінші жартысында олар терезенің жанында отырған, ал екіншісінде терезелері жоқ бөлмеде, жасанды жарықдиодты жарықтандырумен жұмыс істеген.

Ғалымдар терезенің жанында отырған қатысушылардың 59 пайыз жағдайда қандағы қант деңгейі "қалыпты" екенін анықтады. Бұл көрсеткіш жасанды жарық астында болған кезде 51 пайызға дейін төмендеген.

Маастрихт университетінің аға зерттеу авторы Джорис Хукстың айтуынша, адамдар табиғи жарық жоқ жерде көп уақыт өткізбеуі керек.

Күндізгі жарық сіздің биологиялық сағатыңызға оң әсер етуі мүмкін, бұл қандағы қантты бақылау сияқты дене процесі үшін маңызды.

Сонымен қатар, қандағы қант деңгейінің ауытқуын тудыруы мүмкін 9 негізгі фактор.

1. Дегидратация. Сұйықтықтың жетіспеушілігінен қандағы қант шоғырланып, ұйып гипергликемия тудыруы мүмкін.
2. Бір қарағанда зиянсыз көрінетін жасанды тәттілендіргіштер глюкоза гомеостазының бұзылуын тудыруы мүмкін.
3. Рецепт бойынша және рецептсіз дәрі-дәрмектер қандағы қант деңгейіне әсер етуі мүмкін. Мысалы стероидтер, жүктілікті бақылау таблеткалары, кейбір антидепрессанттар мен антипсихотиктер, сонымен қатар бірқатар диуретик пен мұрын тазартқыштар қант деңгейін жоғарылатады. Ал жөтелге арналған тамшылар керісінше әсер етеді.
4. Түнгі сағат 2-ден таңғы 8-ге дейін кейбір адамдар қандағы қанттың жоғарылауын сезінеді. Оған ұйықтар алдында ақуызға бай, көмірсуы аз тағамдар көмектеседі.
5. Етеккір алдындағы кезеңдегі гормоналды өзгерістер қандағы қант деңгейіне әсер етуі мүмкін. Көрсеткіш әдетте етеккір басталғаннан кейін бірден немесе көп ұзамай қалыпқа келеді.
6. Қандағы қант мөлшерінің ауытқуы ұйқының қанбауымен де байланысты болуы мүмкін.
7. Қатты ыстық немесе суық ауа температурасы қандағы қант мөлшерінің күрт өзгеруіне әсер етеді. Ал қант диабетімен ауыратын адамдарға реактивті лаг әсер етеді.
8. Кофеин инсулиннің деңгейіне әсер етеді, ал бұл қандағы қанттың төмендеуіне немесе жоғарылауына әкелуі мүмкін.
9. Кейде қан тапсыру кезіндегі жалған дабыл да әсер етеді. Сарапшылар қан алу не тапсырудың алдында қолды жуудың маңыздылығын еске салды.

Айта кетейік, бұған дейін қандағы қант деңгейін түсірудің 3 қарапайым әдісі хабарланған еді.

Тағы да оқи отырыңыздар: Қан неге қызыл түсті болады?

Қызықты жаңалықтар мен видеоларды көру үшін TikTok арнамызға жазылыңыз!