Қазақстандық теннисші Михаил Кукушкин (ATP рейтингінде 113-орын) Аустралияның Брисбен қаласында өтіп жатқан ATP 250 турнирінің іріктеу кезеңінен сәтті өтті, - деп хабарлайды Massaget.kz тілшісі.
Финалда Кукушкин аустралиялық Тристан Скулкейтті (ATP рейтингінде 168-орын) екі сетте 6:4, 6:4 есебімен жеңді.
Ол енді турнирдің алғашқы айналымында чехиялық теннисші, әлемнің 48-ракеткасы Якуб Меншикпен кездеседі. Матч ертең, 31 желтоқсан күні өтеді.
Еске салайық, бұған дейін қазақстандық теннисшілер Аустралияда өтіп жатқан United Cup турнирінде Грекия құрамасын ұтқанын жазған едік.
Аптаның басты оқиғалары мен пайдалы видеоларды көру үшін YouTube арнамызға жазылыңыз