Теміртау маңындағы жол апатынан екі бала қаза тауып, 10 адам зардап шекті
![Теміртау маңындағы жол апатынан екі бала қаза тауып, 10 адам зардап шекті](/userdata/news/news_106870/image_l.jpg)
Теміртау маңында болған жол апаты салдарынан кәмелетке толмаған екі бала қаза тауып, тағы 10 адам емдеу мекемелеріне жатқызылды, - деп хабарлайды Massaget.kz тілшісі.
Қайғылы оқиға 7 мамыр күні сағат 17:56 шамасында Алматы – Екатеринбург тас жолының Теміртау маңындағы ақылы бекет жанында болған. Тас жолда Toyota Camry мен Chevrolet Nexia соқтығысқан.
Алдын ала мәлімет бойынша, көліктердің ішінде 12 адам болған, оның екеуі – бала. Олар ауыр жарақат алған. Екі көліктен 10 адам медициналық мекемелерге жеткізілді.
"Оқиға бойынша қылмыстық іс қозғалды. Тиісті сараптамалар тағайындалды. Тергеу жүргізіліп, мән-жайы анықталып жатыр. Полиция департаменті жол қозғалысы ережелерін сақтауға және жылдамдық режимін бұзбауға тағы да шақырады", - деп хабарлады Қарағанды облысы полиция департаментінің баспасөз қызметі.
Қызықты жаңалықтар мен видеоларды көру үшін TikTok арнамызға жазылыңыз!
М. Лұқпан