Темір орындық лақтырған: бір топ адам дәрігерге шабуыл жасады

Әлеуметтік желіде "Аудандық прокурордың көмекшісі дәрігерге орындық лақтырды" деген видео тарады. Кадрларда бірнеше ер адам мен әйелдің дәрігерге шабуыл жасағаны және олардың біреуі оған темір орындық лақтырып жібергені көрінеді. Денсаулық сақтау министрлігі мен Бас прокуратура жағдайға қатысты пікір білдірді, - деп хабарлайды Massaget.kz тілшісі podrobno.uz-ға сілтеме жасап. 

Зардап шеккен дәрігердің айтуынша, Ташкентте Юнусабад ауданындағы №7 ауруханада сағат 16:20 шамасында оның кабинетіне бірден бірнеше адам кіріп, олардың біреуі оны тексеріп, дереу қабылдауды талап еткен. 

Дәрігер алдымен әйел оны сөмкемен ұра бастағанын, содан кейін ер адам кеңсеге баса-көктеп кіріп, балағаттап, жиһазды теуіп, жолындағының бәрін талқандағанын айтты. Осыдан кейін ер адам темір орындықты көтеріп, дәрігерге лақтырды. 

Бас прокуратура видеодағы адамның ведомствода жұмы істемейтінін айтты. Тергеу барысында бұл жоғары оқу орнының студенті екені анықталды. Қадағалау органы университет имиджіне нұқсан келтірмеу үшін ол туралы ақпаратты жария етпейтіндерін айтты. Сонымен қатар, жарақат алған дәрігер жігіттің прокуратураға қарасты оқу орындарының бірінде курсант екенін айтты.

Денсаулық сақтау министрлігі видеоға түсірілген жағдайдың 6 қарашада болғанын айтты. Сол күні бөлімшеге 22 жастағы ер адам дене температурасының жоғарылағанына шағымданған.

"Тексеру кезінде дәрігер науқаста вирустық назофарингит немесе жұқпалы мононуклеоз бар деп күдіктеніп, оны вирусологқа жіберді. Науқас және оның туыстары оның дереу ауруханаға жатқызылмағанына наразы болды, сондықтан олар дәрігерге ұрсып, басына орындық лақтырған", - деді Денсаулық сақтау министрлігі өкілдері.

Құқық қорғау органдары бұл дерек бойынша тексеру жүргізіп жатыр.

Қызықты жаңалықтар мен видеоларды көру үшін TikTok арнамызға жазылыңыз!