Темекі шегіп отырғанда матрац өртенген: Арқалықта бір адам ауыр жағдайда ауруханаға түсті
![Темекі шегіп отырғанда матрац өртенген: Арқалықта бір адам ауыр жағдайда ауруханаға түсті](/userdata/news/news_105882/image_l.png)
Фото:
ТЖМ баспасөз қызметі
Арқалықта пәтер өртенді. Оқиға салдарынан зардап шеккендер бар, - деп хабарлайды Massaget.kz тілшісі.
ТЖМ баспасөз қызметі мәліметінше, 23 сәуірде сағат 08:32-де Қостанай облысы Арқалық қаласында көпқабатты тұрғын үйдің 4-қабатындағы пәтерде өрт шыққан.
"Темекі шегу кезінде абайсызда матрац пен еден өртенген", - деп жазылған ведомство хабарламасында.
Түтін басқан бөлмеден 4 адам, оның ішінде 1 бала құтқарылған. 3 адам қауіпсіз жерге көшірілді.
1945 жылы туған ер адам түтіннен уланып, ауруханаға жатқызылды, оның жағдайы ауыр деп бағаланып отыр.
Өртті құтқарушылар сағат 08:52-де сөндірді.
Өртті сөндіруге жеке құрамның 9 адамы мен 3 техникасы жұмылдырылды.
Instagram парақшамызға жазылып, ең қызықты ақпараттарды бірінші болып оқыңыз!
Ж. Қадыржанова