Мәжіліс отырысында депутат Бақытжан Базарбек вице-премьер - ұлттық экономика министрі Серік Жұманғаринге ескерту жасады. Бұл жайт жаңа Салық кодексіне енгізілген түзетулерді талқылау барысында болды, - деп хабарлайды Massaget.kz тілшісі.
Парламенттің төменгі палатасына бұл заң жобасын Серік Жұманғарин таныстырды. Жарыссөз кезінде кезек депутат Бақытжан Базарбекке де жетті. Осы кезде вице-премьер Серік Жұманғарин телефонмен сөйлескен.
"Серік Мақашұлы, сіз қазір телефонмен сөйлесіп жатсыз ба? Кейін жазбадан көріп алатын шығарсыз..." - деді мәжілісмен вице-премьерге.
Кейін Мәжіліс төрағасы Ерлан Қошанов депутаттың өзіне ескерту жасады.
"Сөйлегенде мәдениетті сақтайық, бұл - ресми жиналыс, Парламент қабырғасы. Қарым-қатынас мәдениетін сақтау қажет", - деді Қошанов.
Instagram парақшамызға жазылып, ең қызықты ақпараттарды бірінші болып оқыңыз!
Ж. Қадыржанова