"Тәрбиелеймін деп қорлаған". Қызылордада балабақша тәрбиешісі баланы ұрып-соққан

Әлеуметтік желіде жергілікті Instagram-парақшалардың бірінде балабақшада баласы соққыға жығылған ата-ананың жазбасы жарияланды. Әйел балабақша тәрбиешісі баласын ұрғанын, тәрбиелеу мақсатында қорлағанын жеткізді. Бұл мәселеге қатысты полиция пікір білдірді, - деп хабарлайды Massaget.kz тілшісі.

Қызылорда қаласы Полиция басқармасына ата-ананың жеке балабақшалардың бірінде ұлына дене жарақатын салған тәрбиешіге шағымданған арызы түскен.

"Арыз негізінде қылмыстық іс тіркеліп, ҚР Қылмыстық кодексінің 140-бабының 2-бөлігі бойынша соталды тергеу жүргізіліп жатыр. Тәркіленген бейнежазбалар қылмыстық іске тіркелді. Сот сараптамалары тағайындалды. Сот-медициналық сараптама нәтижесі бойынша баланың "денсаулығына жеңіл зиян" келтірілген. Ал сот-габитологиялық сараптамасының қорытындысы әзірге шықпады", - делінген ведомство хабарламасында.

41 жастағы тәрбиешіге Ішкі істер органдарына келу туралы міндет қойылған.

Сондай-ақ, облыстық білім басқармасына ұсыныс жолданыпты.

Еске салайық, бұған дейін Түркістанда балабақша көлігінің жүргізушісі тәрбиеленушіні қағып өлтіргені хабарланды.

Тағы да оқи отырыңыздар: Сақтардың салт-дәстүрлері мен діни нанымдары қандай болды?

Өзекті жаңалықтарды өз уақытында оқу үшін Facebook парақшамызға жазылыңыз!