Тараздың жылу желісі 63 пайызға тозған

Тараздағы М-3 негізгі магистралі 30 жылдан бері жөндеу көрмеген, - деп хабарлайды Massaget.kz тілшісі Almaty.tv телеарнасына сілтеме жасап.

Қаладағы М-3 негізгі магистралі 30 жылдан бері жөндеу көрмеген. Салдарынан тозу деңгейі 80 процентке жеткен.

Ал жарамдылық мерзімі 2015 жылы біткен. Ауқымды М-1 магистралінің 4 шақырымнан астамы биыл жөнделсе де, тозу деңгейі әлі 75 пайыз. Келер жылы 1,5 шақырымға жаңа құбыр салынбақ.

Жергілікті билік өкілдері "желілер ескі болғанымен, биыл қауіп-қатер жоқ" деп сендірді. Ал шіріген құбырларды ауыстыру үшін 21 млрд теңгеге жуық қаржы қажет. Мұндай қомақты қаражат қала бюджетіне салмақ салады. Сондықтан әкімдіктегілер Үкіметтен дәмелі.

"Жоспар бойынша кезең-кезеңімен 63 пайыздың барлығын жоюға тырысамыз. Қазіргі таңда 3 жылдық жоба бар. Келесі жылға 4,9 млрд теңге қолдау тапқан", - деді қала әкімінің орынбасары Нұрсұлтан Исабеков.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!