Тараздағы екі адамның өлімі: күдікті ұсталды

Жамбыл облысында екі адамды өлтірді деген күдікпен 28 жастағы ер адам ұсталды, - деп хабарлайды Massaget.kz тілшісі.

Жедел тергеу іс-шараларының нәтижесінде күдікті ұсталып, уақытша ұстау изоляторына қамалды. Бұрын ол сотталмаған. Бұл дерек бойынша қылмыстық іс қозғалды, тергеу жүргізіліп жатыр.

"Қайғылы оқиғалар болған жалдамалы тұрғын үйдің иесі жеке тұлғалардың тіркеусіз тұруына рұқсат бергені үшін әкімшілік жауапкершілікке тартылды. Полицияға көршілерден бұл пәтерге қатысты шағым түскен жоқ", - деді Жамбыл облысы ПД баспасөз қызметі өкілі.

Еске салайық, бұған дейін Таразда жалдамалы пәтерден екі әйел өлі табылғаны хабарланды. 

Олардың бірі - Алматының тұрғыны, екіншісі - тараздық екені белгілі болды.

Аптаның басты оқиғалары мен пайдалы видеоларды көру үшін YouTube арнамызға жазылыңыз