Таразда жол апатынан бір адам мерт болды: рөлде кәмелетке толмаған тұрғын болған
![Таразда жол апатынан бір адам мерт болды: рөлде кәмелетке толмаған тұрғын болған](/userdata/news/news_80349/image_l.png)
Таразда мейрам күндері жантүршігерлік жол апаты болды. Кәмелет жасына толмаған тұрғын мінген Toyota көлігі негізгі жолда келе жатқан LADA автокөлігін соққан. Апаттан бір адам көз жұмған, - деп хабарлайды Massaget.kz тілшісі Almaty.tv-ге сілтеме жасап.
"Мен жақын маңда тұрамын, жұмысқа кетіп бара жатқан кезде бір дауыс естідім. Оқиға орнына барып, кейін көрдім. Жантүршігерлік жағдайды айтып жеткізу мүмкін емес", - деді куәгер Айбек Бекхожаев.
Көлік қақтығысының қатты болғаны соншалықты, соққы алған автомобиль арықтан ары ытқып, бірнеше рет аударылып, ғимарат қабырғасына барып, бірақ тоқтаған.
"Қабырғаға соғысқан көліктің сау-тамтығы қалған жоқ. Екінші көлік жолдың шетінде тұрды. Арғы жақта полицейлер куәгерлермен әңгімелесті", - деді тағы бір куәгер Имран Тохтыев.
Полиция департаменті апат салдарынан бірнеше адамның жарақат алғанын айтты. Қазір қажетті зерттеулер тағайындалып, кінәлі тарап анықталып жатыр.
"Биыл 23 наурызда 07:00 шамасында Toyota және LADA Largus көлігі соқтығысты. Жол-көлік апаты салдарынан оқиға орнында 1 адам қаза тапты. Аталған дерекке байланысты ҚР Қылмыстық кодексінің 345-бабы, 3-бөлігі бойынша сотқа дейінгі тергеу амалдары басталды", – деді Жамбыл облысы полиция департаментінің баспасөз қызметінің жетекшісі Гүлсара Мұхтарқұлова.
Ал қалалық көпсалалы ауруханаға бірнеше дене жарақатын алған, атап айтқанда кеуде қуысы, белінен жарақат алған 2 азамат барған.
"Оларға дер кезінде қажетті медициналық көмек көрсеттілді. Кезекші дәрігер тексеріп, тұрғылықты жері бойынша емханаға амбулаториялық емделуге жіберілді", - деді қалалық №1 көпсалалы ауруханасының дәрігері Дильшот Салиев.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
М. Лұқпан