Таразда 2 жасар бала каналға құлап кеткен
![Таразда 2 жасар бала каналға құлап кеткен](/userdata/news/news_107437/image_l.jpg)
Таразда полицейлердің баланы құтқарған сәті бейнежетонға түсіп қалған, - деп хабарлайды Massaget.kz тілшісі.
Айша бибі көшесінің бойында ағып жатқан каналға 2 жасар бала құлап кеткен. Полиция бірнеше минут ішінде шақырту орнына келген. Ол кезде куәгер баланы ес-түссіз күйде судан шығарып алған.
Жедел медициналық көмек бригадасы келгенше, полиция қызметкері 10 минут бойы жүрек-өкпе реанимациясын жасаған, нәтижесінде бала дем ала бастаған.
"Соңына дейін күресіп, бізге үйретілген дағдыларды қолдана отырып, тоқтаусыз жүрекке массаж жасадым. Көрер жарығы бар екен, өкпеден су шығып, нәресте дем ала бастады", - деді Тараз қаласы ПБ патрульдік полиция батальонының инспекторы Дәурен Колқаев.
Бала облыстық балалар ауруханасына жатқызылды, қазір оның өміріне қауіп төніп тұрған жоқ.
Instagram парақшамызға жазылып, ең қызықты ақпараттарды бірінші болып оқыңыз!
Ж. Қадыржанова