Танымал актриса өз үйінде тірідей жанып кетті

АҚШ-тың Лос-Анджелес қаласында болып жатқан өрттен Голливудтың атақты актрисасы Делис Карри қаза тапты. Бұл туралы жергілікті ABC7 телеарнасы мәлімдеді, - деп хабарлайды Massaget.kz тілшісі.

Делис Карри өткен аптаның сейсенбісінде күні бойы ауруханада болған, ал кешке оны немересі Келли үйіне жеткізіп тастаған. Кейінірек Келлидің ұялы телефонына актрисаның үйінде электр қуаты өшкені туралы хабарлама келеді, ол бірден әжесінің үйіне бет алады, жеткен кезде полиция қызметкерлері үйдің толық өртеніп кеткені туралы хабарлайды. Алапат өрт үйді толықтай шарпып, құр күлге айналдырған, өрттен тек көк cadillak аман қалғанға ұқсайды. Сол түннен бастап актриса із-түзсіз жоғалды деп саналды.

"Жоғалды деп есептелген 95 жастағы әжейдің денесінің қалдықтары оның Алтадиндегі түгі қалмай жанып кеткен үйінен табылды", - делінген басылымда.

Актриса "Он өсиет", "Ағайынды блюз", "Леди блюз әнін айтады" фильмдерінде ойнаған.

Делис Карри. Сурет актрисаның әлеуметтік желідегі парақшасынан алынды

Айта кетейік, 7 қаңтарда Лос-Анджелес аймағында басталған орман өрттері штат тарихындағы ең ірі өрт болып саналады. Жергілікті биліктің мәліметінше, өрттің жалпы ауданы 16 мың гектардан асты. Кемінде 24 адам қаза тауып, 12 300-ден астам ғимарат, оның ішінде атақты адамдардың үйлері жермен жексен болды.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!