Таңғы сессияда теңге нығая бастады

KASE қор биржасының 22 ақпандағы таңғы сессиясының қорытындысы бойынша ұлттық валютаның долларға қатынасындағы бағамы 351,85 теңгеге тең. Өткен жұмадағы саудаға қарағанда, ұлттық валюта 2 теңгеге нығайып отыр.

Таңғы саудада келісімдер 354 теңге көрсеткішінде жасалды. Осы баға максималдық құны болды. Минималдық құны 351,68 тең. Сауданың жалпы көлемі 131,05 миллион долларға жетті. Ұлттық валюта, Kurs.kz мәліметінше, 350-354 теңге аралығында сатылып жатыр.

Еске салайық, өткен аптаның қорытынды саудасы теңгенің нығаюымен аяқталған болатын. KASE қор биржасының күндізгі сессиясының қорытындысы бойынша теңгенің долларға қатысты бағамы 353,83-ке тең болды.

Дереккөз: tengrinews