Жақында ғана ана атанған Мақпал Исабекова Instagram-парақшасында балалы болғаннан кейінгі жағдайын айтты, - деп хабарлайды Massaget.kz.
"Күнделікті шаруа сол, балаға тамақ беру, оның астын ауыстырып жуу, ұйықтату, кешкі шомылдыру, киімдерін жуу, болды. Осымен-ақ таң атып, күн батады. Аллаға шүкір, қасымда анам бар, шаруаның көбін өзіне арқалап алған.
Қасында көмегі жоқ, баламен бәріне үлгеріп, үй тіршілігін тындырып жүрген келіншектер, сіздерге бас ием", - деді әнші.
Еске салайық, бұған дейін танымал әнші Мақпал Исабекова ана атанғаны хабарланған болатын. Қуанышты жаңалықты әншінің өзі Instagram-да жазған еді.
Кейінірек ол баласына ерекше есім қойғанын айтты. Әнші мен жұбайының таңдауы "Тео" деген есімге түскен.