Тамақ жүрекке пайдалы болуы үшін оған не қосып жеу керек?

Мәзірге лимон, пияз және сарымсақ қосу тамақты жүрек пен қан тамырлар үшін пайдалы етеді, - деп хабарлайды Massaget.kz тілшісі "Rg.ru"-ге сілтеме жасап.

Дәрігерлердің айтуынша, бұл өнімдердің құрамында В тобының дәрумендері, С дәрумені, марганец, селен, мыс, фосфор, мырыш және т.б бар. Сондықтан оларды жүрек-қан тамырлар жүйесін қорғау үшін рационға қосу керек.

"Ол, әсіресе, қан қысымы жоғары және бүйрек проблемасы бар адамдарға жақсы", - дейді мамандар.

Алайда созылмалы аурулары бар науқастар рационына қандай да бір өзгеріс енгізбес бұрын өзінің дәрігерімен ақылдасуы керек.

Дәрігерлер пияз, сарымсақ және лимонның тағы бір ерекшелігі бар екенін айтты: олар рациондағы тұз мөлшерін азайтуға көмектеседі. Мамандар оларды үйлесімді рационның бір бөлігі етуді және оларды аз-аздан, бірақ жүйелі түрде жеп тұруды ұсынды.

Оқи отырыңыз: Күнде бір сарымсақтан жесеңіз не болады?