Талғарға жаңа әкім сайланды

Талғар ауданының аумақтық сайлау комиссиясы Талғар әкімін сайлау нәтижелерін жариялады, - деп хабарлайды Massaget.kz тілшісі.

Ведомство мәліметінше, сайлаушылар тізіміне 42 774 азамат енгізілген. Дауыс беруге - 12 875 сайлаушы қатысты, оның ішінде есептен шығару куәліктері бойынша - 0, дауыс беруге арналған үй-жайлардан тыс - 24 қатысқан.

Кандидаттардың жалпы саны - 3. Талғар әкімін сайлаудың мынадай қорытындылары белгіленді:

• Арыстанбек Әбілқайырұлы үшін сайлаушылардың 9071 дауысы берілді;
• Жәнібек Жанболатұлы Кәденов үшін сайлаушылардың 1875 дауыс берілді;
• Әлібек Ғайсаұлы Рамазанов үшін сайлаушылардың 1140 дауысы берілді.
• "Барлығына қарсы" белгісі бар бюллетеньдер саны - 182.

"Сайлау қорытындыларымен Талғар қаласының әкімі болып: Арыстанбек Абилхаирұлы сайланды, 1983 жылы туған, "Талғар тұрғын үй" ЖШС-ның директоры, Талғар қаласының тұрғыны", - делінген хабарламада.

Еске салайық, 2024 жылғы 15 желтоқсанда Талғар ауданы, Талғар қаласы әкімін сайлау өтті.

Өзекті жаңалықтарды өз уақытында оқу үшін Facebook парақшамызға жазылыңыз!