Талғар өзеніндегі су деңгейі көтеріліп кетті

Алматы облысындағы Талғар өзеніндегі су деңгейі көбейіп кетті, - деп хабарлайды Massaget.kz тілшісі.

Талғар өзеніндегі су деңгейінің көбейуіне байланысты Ават ауылдық округінің аумағындағы өзеннің сол жағалауында орналасқан баламалы жолды шайып кетті, су ағынының ұлғаюы нәтижесінде жақын маңдағы карьерлерді су басу қаупі туындады.

Посмотреть эту публикацию в Instagram

Публикация от Аппарат акима Аватского сельского округа (@enbekshikazakh_avat_akimdigi)

Еңбекшіқазақ ауданының әкімі Талғат Ескендірұлы Байедиловтың тапсырмасы бойынша Ават ауылдық округінің әкімі Момунжан Акваржанович Исламовтың ұйымдастыруымен су басу болдырмау және тұрғындардың қауіпсіздігін қамтамасыз ету үшін жұмыстар жүргізілді.
Жұмыс барысында "АКНМ" ЖШС, "АсфальтоБетон" ЖШС, "ДСУ-13" АҚ "Хан Элит Строй" ЖШС мекемелерінен 12 адам және 8 бірлік арнайы техника жұмылдырылды.

Қазіргі уақытта өзен арнасын тереңдету және нығайту жұмыстары жалғасып жатыр.

Ават ауылдық округі әкімінің аппаратымен тәулік бойы кезекшілік ұйымдастырылды.

Өзекті жаңалықтарды өз уақытында оқу үшін Facebook парақшамызға жазылыңыз!