Талғар ауданы полициясы бастығының міндетін атқарушы тағайындалды

Талғар ауданы полициясы бастығының міндетін атқарушы тағайындалды, - деп хабарлайды Massaget.kz тілшісі.

 Бұл қызметке Айдар Омаров келді.

"Қазақстан Республикасы ішкі істер министрінің бұйрығы бойынша Талғар ауданы полиция басқармасы бастығының міндетін атқарушы лауазымына полиция подполковнигі Айдар Әбдікерімұлы Омаров тағайындалды", - деп хабарлады Алматы облысы полиция департаментінің баспасөз қызметі.

Еске салайық, биыл қазанда Алматы облысында бірқатар жоғары лауазымды полицей мен аудан әкімі қызметінен босатылған болатын. Алматы облысы Талғар ауданында 16 жастағы Шерзат Болаттың өлтірілуіне байланысты қоғамда резонанс тудырды.

Ішкі істер министрлігі басшысының бұйрығымен мыналар қызметінен босатылды:

• Алматы облысының полиция департаменті (ПБ) бастығының бірінші орынбасары Серік Шалхаров;
• Талғар аудандық ішкі істер бөлімінің бастығы Нұржан Күнтунов;
• Облыстық ПД экстремизмге қарсы күрес басқармасының басшысы Ұлан Байтақов;
• Облыстық ІІД криминалдық полиция басқармасының бастығы Руслан Смағұлов;
• Облыстық полиция департаментінің ұйымдасқан қылмысқа қарсы күрес басқармасының бастығы Дулат Қайыр мен оның орынбасары Жанат Омаров.
• Сондай-ақ Алматы облысы мен Талғар ауданының бірқатар әкімдігі мен прокурорлары қызметінен айырылды.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!