Талдықорғанның басы дауға қалған экс-әкімі жаңа лауазымға ие болды
![Талдықорғанның басы дауға қалған экс-әкімі жаңа лауазымға ие болды](/userdata/news/news_71845/image_l.jpg)
Талдықорғанның бұрынғы әкімі Дастан Балтабаев Алматы облысы әкімдігінің құрылымында жаңа лауазымға ие болды, - деп хабарлайды Massaget.kz тілшісі.
Алматы облысы әкімдігінің баспасөз қызметі мәліметінше, Шалтабаев бүгіннен бастап Энергетика және тұрғын үй-коммуналдық шаруашылық басқармасының басшысы болып тағайындалған. Ол әр жылдары өңірдің Құрылыс, сәулет және қала құрылысы басқармасының басшысы, Жамбыл ауданы әкімінің орынбасары, Талдықорған қаласының әкімі қызметтерін атқарған. 2022 жылғы тамыздан бастап Жетісу облысы Тұтынушылардың құқықтарын қорғау департаментін басқарған.
Дастан Шалабаев қазақстандықтар арасында 2019 жылғы наурызда болған жанжалға байланысты белгілі. Сол кезде полицейлер Талдықорғанның экс-әкімі ұлының 055 QQQ мемлекеттік нөмірі бар Toyota Camry көлігін тоқтатқан еді. Ал көлікті Шалтабаевтың ұлының досы тізгіндеген болатын.
Полицейлер жүксалғышты тінту кезінде патроны бар "Байкал" травматикалық тапаншасын, басқа көліктерге тіркелген екі жұп мемлекеттік нөмірді, бір рация, айналымға түспейтін, номиналы 100 доллар болатын купюраларды анықтаған еді.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Ж. Қадыржанова