Талдықорғандық мұғалімдер мүгедіктігі бар балаларды оқытпай, жалақы алған

Талдықорған прокуратурасы мүгедектігі бар балаларды инклюзив оқыту саласындағы заңдылықтың сақталуына талдау жүргізіп, заң бұзылғанын анықтады, - деп хабарлайды Massaget.kz тілшісі Жетісу облысы прокуратурасының баспасөз қызметіне сілтеме жасап.

Прокурорлар стационарлық емделу кезеңінде мүгедектігі бар 261 баланың инклюзив білім алмағанын анықтады. Осыған қарамастан, мұғалімдерге 2 251 833 теңге төленген.

"Қадағалау актісі бойынша бұрын білім алмаған балалар білім беру процесіне қайта қосылып, қажетті білім алды. Осылайша, прокуратура кәмелетке толмағандардың құқықтарын қорғады. Сондай-ақ мемлекет кірісіне 2 251 833 теңге өтелді", - делінген хабарламада.

Аптаның басты оқиғалары мен пайдалы видеоларды көру үшін YouTube арнамызға жазылыңыз