Талдықорғанда газ қондырғысы орнатылған көлік жарылған. Жарылыс күшті болғаны сонша - үй опырылған, - деп хабарлайды Massaget.kz тілшісі.
Желіде оқиға орнынан видеолар тарады.
"Туысымыздың көлігі жарылды. Қыста баспанасыз қалды. Өте қиын жағдай. Енді олар жөндеу жүргізіп, үйді қалпына келтіруі керек", - дейді видеодағы адам.
Посмотреть эту публикацию в Instagram
Жетісу облысы ТЖД мәліметінше, 4 наурызда Талдықорғанда (Еркін ауылында) гаражда тұрған көліктің газ жабдығы жарылған.
"Хабарлама сағат 07:06-да түсті, оқиға орнына ТЖД күштерінен 20 адам, 6 техника жіберілді. Оқиға салдарынан ғимарат жартылай опырылды (50 шаршы метр). Өрт шыққан жоқ", - деді ТЖД өкілі.
Оқиға салдарынан бір адам зардап шеккен. Ол ауыр жағдайда ауруханаға жатқызылды.
Қазір оқиғаның мән-жайы анықталып жатыр.
Қызықты жаңалықтар мен видеоларды көру үшін TikTok арнамызға жазылыңыз!
Ж. Қадыржанова