Талдықорғанда кәмелетке толмаған қызды көлікте зорлаған күдікті ұсталды
![Талдықорғанда кәмелетке толмаған қызды көлікте зорлаған күдікті ұсталды](/userdata/news/news_71197/image_l.jpg)
Талдықорғанда жасөспірім қызды зорлаған күдікті ұсталды, - деп хабарлайды Polisia.kz.
Басылым мәліметінше, Талдықорған полициясына кәмелетке толмаған қыздың зорланғаны туралы арыз 29 тамызда түскен.
"Дерек бойынша ҚР ҚК 120-бабының 3-1 бөлігі және 121-бабының 3-1 бөлігімен қылмыстық іс тіркелді. Тергеу аясында қажетті сараптамалар тағайындалды. Зорлау Тоyota Camry автокөлігінің салонында болғаны анықталды. Автокөлік тәркіленіп, арнайы тұраққа қойылды", - делінген хабарламада.
Қалалық полиция қызметкерлері күдікті ретінде 20 жастағы жергілікті тұрғынды ұстады.
Тергеуді облыстық Полиция департаменті бақылауға алды.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Г. Досымшалова