Талдықорған орталығында ер адам әйелді соққыға жыққан
![Талдықорған орталығында ер адам әйелді соққыға жыққан](/userdata/news/news_70843/image_l.png)
Талдықорғанда ер адам әйелді соққыға жыққан. Куәгерлер бұл оқиғаны видеоға түсіріп алған, - деп хабарлайды Massaget.kz.
Видео әлеуметтік желілерде 20 тамызда жарияланған. Кадрлардан ер адам көшеде отырған әйелді бірнеше рет ұрғанын көруге болады. Кейін ол оны ғимаратқа кіргізуге тырысады.
Посмотреть эту публикацию в Instagram
Жетісу облыстық Полиция департаменті өкілі видеодағы ер адамды іздеу жұмыстары басталғанын айтты.
"Бұл оқиға 20 тамызда кешке Талдықорғандағы Қабанбай батыр көшесінде, ақын Сара көшесіне жақын маңда болған. Қалалық полицияға хабар, арыз түскен жоқ. Бұл дерек бойынша жанжалға қатысушыларды анықтауға бағытталған қажет іс-шаралар ұйымдастырылды", - деді ведомствоның баспасөз қызметі өкілі.
Полиция зардап шеккен әйел мен оқиға куәгерлерінен 102-ге хабарласуды сұрайды.
Ж. Қадыржанова