Таиландтағы мейрамханада қателесіп 3 млн теңге төлеген қазақстандық іздестіріліп жатыр

Қазақстандық турист шетелдегі мейрамханада байқамай 3 миллион теңге төлеп кеткен, - деп хабарлайды Massaget.kz тілшісі.

Мұндай ақпаратты қазақстандық журналист, блогер Тимур Асылханов әлеуметтік желідегі парақшасында жариялады.

Блогердің айтуынша, қазақстандық турист Таиландтағы бір мейрамханада түскі ас ішіп, қателесіп 3 миллион теңге көлемінде төлем жасаған. Жергілікті мейрамхана иесі тұтынушыны әлеуметтік желі арқылы іздеп жатыр.

"Таиландта түскі асқа 3 млн теңге төлеген қазақстандықты жаппай іздестіріп жатыр. Фейсбукта пост жариялап, барлығы репост жасап жатыр. Тіпті ресторан басшылығы қазақстандық банкке шығып, карта иесі туралы ақпарат сұрастырған. Егер бізде сондай жағдай болса, сізді іздер ме еді", - деп жазды Тимур Асылханов әлеуметтік желідегі парақшасында.

Посмотреть эту публикацию в Instagram

Публикация от Timur Asylhanov (@timurasylhanov)

Қызықты жаңалықтар мен видеоларды көру үшін TikTok арнамызға жазылыңыз!