Ақтөбеде Алматы ауданындағы жеке тұрғын үйлердің бірінен әйел мен кәмелетке толмаған үш бала өлі табылды. Ақтөбе облысы әкімдігі өкілі мән-жайды айтты, - деп хабарлайды Massaget.kz тілшісі.
Алдын ала мәліметке сәйкес қайғылы оқиға газ жабдықтарын дұрыс пайдаланбау салдарынан табиғи газдан уланудан болуы мүмкін.
"Оқиғаның нақты себептері мен мән-жайы анықталып жатыр. Ақтөбе облысы әкімінің тапсырмасымен жағдайды жан-жақты зерделеу үшін арнайы комиссия құрылды. Комиссияны Ақтөбе қаласының әкімі Азамат Бекет басқарады. Комиссия уәкілетті органдармен өзара іс-қимыл жасап, тексеріс жүргізіп, тергеу қорытындысы бойынша тиісті шаралар қабылдайды", - деп жазылған хабарламада.
Қазір құзырлы органдар тарапынан тергеу басталған.
Жергілікті атқарушы органдар жерлеу рәсімін ұйымдастыруға көмек көрсетіп, сондай-ақ, материалдық және әлеуметтік қолдау берілетінін мәлімдеді.
Өңірдің Полиция департаменті мәліметінше, марқұм 1993 жылы туған.
Посмотреть эту публикацию в Instagram
Еске салайық, бұған дейін Жамбыл облысында әйел екі баласын жоғары қабаттан лақтырып жібергені хабарланды.
Instagram парақшамызға жазылып, ең қызықты ақпараттарды бірінші болып оқыңыз!
Ж. Қадыржанова