Суық қару, есірткі, діни әдебиет, шетел валютасы: ҰҚК Шекара қызметінің жұмысына есеп берді
![Суық қару, есірткі, діни әдебиет, шетел валютасы: ҰҚК Шекара қызметінің жұмысына есеп берді](/userdata/news/news_108490/image_l.jpg)
ҰҚК Шекара қызметінің жұмысына есеп берді, - деп хабарлайды Massaget.kz тілшісі.
Шекара қызметі ҚР заңнамаларын бұзған 3 368 адамды ұстаған. Соның ішінде 50 шетелдік шекараны бұзғаны үшін ұсталды. Шекараны бұзбақ болған 59 шетелдіктің жолы кесілген.
Мемлекеттік шекарадан заңсыз зат алып өтуге қатысты 1 739 деректің алды алынған, соның ішінде:
- 38-і - есірткі, жалпы салмағы - 143 грамм;
- 82-сі - атыс қаруы мен оқ-дәрілер (2 пневматикалық, 2 зақым келтіру және 135 суық қару, 62 оқ-дәрі);
- 32-сі - діни әдебиет (561 дана);
- 536-cы - жалпы сомасы 10 миллион теңгеден асатын жанар-жағармай материалдары (46 тоннадан аса);
- 883-і - жалпы сомасы 3 миллиард теңгеден асатын тұтыну тауарлары;
- 168-і - жалпы сомасы 1,4 миллиард теңгеден аса шетел валютасы.
"Каспий акваториясында 21 браконьерлік дерегінің алды алынды, сондай-ақ, 8 жүзу құралы, жалпы ұзындығы 36,7 шақырым тор болатын браконьерлік аулау құралдары, 75 (703 келі) бекіре тұқымдас балық, 3 487 (5 605 келі) таза тұқымдас балық тәркіленген. Залал сомасы 279 миллион теңге болады. Бұл деректер бойынша материалдар заңбұзушыларды жауапқа тарту үшін құқық қорғау және сот органдарына жіберілді", - деп жазылған хабарламада.
ҰҚК мәліметінше, мемлекеттік шекарада қандай да бір шектеу шаралары енгізілмеген, өткізу пункттері штаттық режимде жұмыс істеп тұр.
Қызықты жаңалықтар мен видеоларды көру үшін TikTok арнамызға жазылыңыз!
Ж. Қадыржанова