“Суық жауап берді“. Танымал битмейкерді “менсінбеген“ қазақстандық әртістер кімдер?

Әлемге әйгілі Дуа Липа, Ники Минаж, Розалия, Lisa, Jah Khalib сияқты әртістермен бірге жұмыс істеген саунд-продюсер Ерқанат Садуханов қазақстандық әншілердің арасында кімдердің онымен жұмыс істегісі келмегенін ашып айтты, - деп хабарлайды Massaget.kz тілшісі.

Ол бұл туралы Jibek joly телеарнасына берген сұхбатында ағынан жарылды.

"(...) Шетелде атым шыққан соң кейіннен өздері жазатын болды. Үлкен-үлкен жұлдыздар да бар. Менің таңғалатыным - бізде Қазақстанда орташа деңгейдегі әртістер "Сенімен жұмыс істеуге дайынмын" деп жазады. Тәсілінің өзі біртүрлі. Қызық та... Кейінгі рет Садраддин деген әншіге, бұрын менеджеріне жазған болатынмын. Суық жауап берген болатын", - деді Ерқанат. 

Еске салайық, бұған дейін Ерқанат Садуханов табысы туралы сұраққа жауап берген еді.

Айта кетейік, Ерқанат Садуханов - Абай облысы Абай атындағы мамандандырылған мектеп-гимназия-интернатында биология пәнінің мұғалімі. Ол музыка әлемінде @eraholic лақап атымен танымал. Жас мұғалім өз парақшасында Ники Минаждың "Pink Friday 2" делюкс-альбомына саунд-продюсер болатынын ресми түрде жариялады.

Instagram парақшамызға жазылып, ең қызықты ақпараттарды бірінші болып оқыңыз!