Су тасқынын болжауға жарты миллиардтан астам қаржы бөлінді

Қазақстан Үкіметі су тасқынын болжау үшін батиметриялық зерттеулерге қаражат бөлді, - деп хабарлайды Massaget.kz тілшісі министрлер кабинетінің баспасөз қызметіне сілтеме жасап.

Президенттің су тасқыны кезеңіне дайындық жөніндегі тапсырмаларын іске асыру шеңберінде Үкімет резервінен батиметриялық зерттеулер жүргізуге шамамен 576 миллион теңге бөлінді. Тиісті қаулыға ҚР премьер-министрі Олжас Бектенов қол қойды.

Бөлінген қаражат су және суару министрлігіне арналған. Қаржыландырудың негізгі бөлігі жабдықтар мен техникалық жарақтарды сатып алуға, сондай-ақ зерттеулер жүргізу жөніндегі қызметтерге бағытталады. Атап айтқанда, қаражатты "Қазсушар" ШЖҚ РМК "Су метрология" филиалына тікелей елдің солтүстік, батыс және Орталық өңірлерінің су тасқынына қауіпті учаскелеріне батиметриялық түсірілім жүргізуге бағыттау жоспарланып отыр.

Республикалық маңызы бар су қоймаларын батиметриялық зерттеуді қоса алғанда жұмыстар 2025 жылы жалғасады. Алынған деректер ҚР цифрлық даму, инновациялар және аэроғарыш өнеркәсібі министрлігіне және "Қазақстан Ғарыш Сапары "ҰК" АҚ-ға су тасқынын болжау мен модельдеудің ақпараттық жүйесіне енгізу үшін беріледі.

Аптаның басты оқиғалары мен пайдалы видеоларды көру үшін YouTube арнамызға жазылыңыз