Су тасқыны болып жатқан Ақтөбе облысындағы ауылдардың бірінде әйел егіз босанды

Су тасқыны болып жатқан Ақтөбе облысы Ырғыз ауданы Нұра ауылында егіз сәби дүниеге келді. Ана мен балалар тікұшақпен аудан орталығына жеткізілді, - деп хабарлайды Massaget.kz тілшісі.

Нұра ауылында жүкті әйел мерзімінен бұрын егіз сәбиді босанды. Ауыл дәрігерлері әйелді аман-есен босандырып алды.

Нұра ауылы аудан орталығынан 90 шақырым жерде орналасқан. Тасқынға байланысты аудан мен ауыл ортасында жол жабық. Облыстық денсаулық сақтау басқармасынан жіберілген бригада ауылға кіре алмаған. 

Салмағы 2800-3050 грамм болатын екі қыз өмірге келді. Облыстық денсаулық сақтау басқармасы мәліметінше, қазір ана мен балалардың жағдайы жақсы. Бұл 36 жастағы әйелдің 6-шы жүктілігі екен.

Кәмшат Қопаева

Instagram парақшамызға жазылып, ең қызықты ақпараттарды бірінші болып оқыңыз!