“Студенттер ғана емес, қала жастары да бар“ - ҚазҰУ жаппай төбелеске қатысты түсінік берді

Фото: әл-Фараби атындағы қазақ ұлттық университетінің баспасөз қызметі

24 қыркүйек 2024, 18:21

Қазақ ұлттық университеті оқу орнының маңында болған жаппай төбелеске қатысты түсінік берді, - деп хабарлайды Massaget.kz тілшісі.

Университеттің баспасөз қызметі төбелес 2024 жылғы 24 қыркүйекте сағат 02:52-де Попов пен Бальзак көшелерінің қиылысында болғанын хабарлады. Жанжал әл-Фараби атындағы ҚазҰУ аумағынан тыс жерде тіркелген.

"Жанжалға қатысушылардың арасында тек ҚазҰУ студенттері емес, сонымен қатар қала жастары да болған. Қазір оқиғаның мән-жайы анықталып жатыр", – деп хабарлады оқу орны.

Еске салайық, мұның алдында әл-Фараби атындағы Қазақ ұлттық университетінде жаппай төбелес болғаны туралы хабар тараған еді.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!

М. Лұқпан