Солтүстік Қазақстан облысындағы мектепте жасөспірімді пышақтап кетті

Солтүстік Қазақстан облысында ауыл мектебінде жасөспірім сыныптасын пышақпен жаралады, – деп хабарлайды Massaget.kz тілшісі.

Оқиға Тимирязев ауданында 5-9 сыныпқа дейінгі балалар оқитын Ақжан мектебінде болды.

"Оң жақ иығынан пышақ жарақатын алған 2009 жылы туған бала аудандық аурухананың хирургия бөліміне жатқызылды. Оған ота жасалып, жарасын тігіп берді", – деді Солтүстік Қазақстан облысы денсаулық сақтау басқармасының баспасөз хатшысы Гүлнәр Сайлау Tengrinews.kz тілшісіне.

Ол кәмелетке толмаған науқастың жағдайы тұрақты және барлық қажетті ем-дом қабылданып жатқанын айтты.

Облыстық полиция департаментінің баспасөз қызметі кәмелетке толмаған күдіктінің кім екені анықталғанын хабарлады.

"Қажетті тергеу әрекеттері жүргізіліп, ол ата-анасының кепіл болуымен босатылды. Осы факті бойынша қылмыстық іс қозғалды. Тергеу жүріп жатыр", – деп хабарлады ведомствоның баспасөз қызметі.

Қылмысты жасаған жасөспірімнің жасын ескере отырып, полиция қызметкерлері тәрбие бойынша міндеттерін орындамағаны үшін оның ата-анасын жауапкершілікке тарту мәселесімен айналысып жатыр.

"Жасөспірім профилактикалық есепке алынады. Сондай-ақ аудан әкімдігі жанындағы кәмелетке толмағандар істері жөніндегі комиссияға да тиісті ұсыныс енгізілді", – деп қорытындылады полиция.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!