Солтүстік Қазақстан облысында жүк көлігі өртеніп кетті

Фото: Төтенше жағдайлар министрлігінің баспасөз қызметі

14 қазан 2024, 19:20

Бүгін, 14 қазанда Солтүстік Қазақстан облысы Тайынша ауданында Чермошнянка ауылының жанында жүк көлігі өртенді, – деп хабарлайды Massaget.kz тілшісі.

Құтқарушылардың жедел әрекеттерінің арқасында өрт аз уақыт ішінде сөндірілді.

"Оқиға салдарынан зардап шеккендер жоқ", – деп хабарлады Төтенше жағдайлар министрлігі.

Ведомство азаматтарға автомобиль электр сымдарының жарамдылығын тексеру қажет екенін еске салды.