"Сол күні қонақ күткен". Алматы облысында әкесі мен төрт баланың өліміне қатысты тың дерек айтылды

Алматы облысында қасіретті оқиға болды. Соның салдарынан әкесі мен төрт бала қайтыс болды. Өлімнің алдын ала себебі - улану. Сарапшылар өлімнің себебін анықтап жатыр. Ал марқұмдардың көршілері оқиға туралы тың деректер айтты, - деп хабарлайды Massaget.kz тілшісі "Астана" телеарнасына сілтеме жасап.

Елтай ауылының тұрғындары бұл қайғылы жағдайдың алдын алуға болатынын айтты. Осы жағдай болған кезде тұрғындар жедел жәрдем шақырған. Бірақ олардың сөзінше, жедел жәрдем бір сағаттан аса уақытта келген. Мұның бәрі марқұм отбасы тұратын көшенің аты болмағандықтан екен. Ауыл тұрғындарының айтуынша, олар жолға шығып, қажет үйді көрсету үшін жедел жәрдем көлігі қайда келе жатқанын қарап тұруға мәжбүр.

"Мұнда қырық бес үй бар, көшеге атау берілмеген. Біз мұнда он екі жылдан бері тұрамыз. Жедел жәрдем бізге қалай жетеді? Көлік бір жарым сағат ішінде келеді. Біз көшеге шығып, адамдарды жедел жәрдемге қажет жолды көрсету үшін тұрғызуымыз керек", - дейді Елтай ауылының тұрғыны Сердалы Күлекеев.

"Біз барғанда балалар сыртта жатқанын көрдік. Адамдар газдан немесе басқа нәрседен уланды ма, әлі белгісіз. Қазір анасы ауруханада жатыр. Олар - жақсы адамдар, жақсы адамдардың балалары болды. Балалар үлкен болды. Олардың әкесі де жақсы адам болған", - тұрғындардың бірі Жақсыбай Ғаппаров.

Бүкіл отбасынан анасы ғана аман қалды. Дәрігерлер оның жағдайы қазір тұрақты екенін жеткізді. Ол есін жиды, бірақ не болғанын және ауруханаға қалай түскенін білмейді.

Телеарна мәліметінше, қайғылы оқиға болған күні отбасы қонақ күткен, бірақ отырыс аяқталғаннан кейін не болғаны белгісіз. Оқиға туралы ауруханаға ауыл тұрғыны хабарлағаны белгілі.

Еске салайық, бұған дейін Алматы облысында әкесі мен төрт баласы уланып қайтыс болғаны хабарланған еді. Кейінірек аман қалған әйелдің жағдайы белгілі болды. Сондай-ақ, Алматы облысында қаза тапқандар неден уланғаны айтылды.

"Бірінші көрші бала көрген". Алматы облысында қаза тапқан отбасының туыстары оқиға қалай болғанын айтты

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!