Қазақстанның Сыртқы істер министрлігі Біріккен Араб Әмірліктерінің Судандағы дипломатиялық миссиясы басшысының резиденциясына әуе шабуылына қатысты мәлімдеме жасады, – деп хабарлайды Massaget.kz тілшісі.
Қазақстан Республикасының Сыртқы істер министрлігі 2024 жылғы 29 қыркүйекте Судан астанасы Хартумдағы Біріккен Араб Әмірліктері дипломатиялық миссиясы басшысының резиденциясына жасалған әуе шабуылын қатаң айыптайды.
"Дипломатиялық миссиялар мен олардың қызметкерлеріне қатысты зорлық-зомбылықтың кез келген көрінісіне жол беруге болмайды деп санаймыз. Мұндай әрекеттер 1961 жылғы Дипломатиялық қарым-қатынастар туралы Вена конвенциясының 22-бабында кепілдік берілген дипломатиялық өкілдіктерге қол сұғылмаушылық негізгі қағидасын бұзады және барлық қатысы бар тұлғалардың жауапкершілікке тартылуымен толық тергеу жүргізуді талап етеді", – делінген хабарламада.
Еске салайық, бұған дейін БАӘ Сыртқы істер министрлігі Суданның тұрақты армиясының ұшағы БАӘ-нің Хартумдағы елшісінің резиденциясына шабуыл жасап, ғимаратқа айтарлықтай зиян келтіргенін хабарлады.
Судандағы саяси жағдай 2023 жылдың көктемінде, егеменді кеңесті басқаратын нақты Мемлекет басшысы Абдель Фаттах әл-Бурхан мен жедел әрекет ету күштерінің (ҚББ) жетекшісі Мұхаммед Хамдан Дагло арасында үлкен келіспеушіліктер туындаған кезде күрт шиеленісе түсті.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!