СҚО құтқарушылары Жаңа жылда екі бірдей құтқару операциясын жасады
Фото:
ТЖМ
Солтүстік Қазақстан құтқарушыларының Жаңа жылы 2 бірдей құтқару операцияларынан басталды, - деп хабарлайды Massaget.kz тілшісі.
1 қаңтар күні Петропавлда 1949 және 1952 жылы туған 2 әйел үйлерінде аяқтарын сындырып, көмек қабылдау үшін есік аша алмай жатқаны туралы туыстарына хабарлаған соң олар құтқарушылардың көмегіне жүгінген.
Оқиға орындарына жедел жеткен ТЖМ қызметкерлері альпинистік жабдықтардың көмегімен шатырдан түсіп, пәтерлерге кірді.
"Кәсібилігі, жанқиярлығы мен кез келген уақытта дайын болғандары үшін батырларымызға алғыс білдіреміз!" - деді көмек сұраған туысқандар.
Зардап шеккен азаматшалар жедел жәрдем қызметкерлеріне табысталды.
Аптаның басты оқиғалары мен пайдалы видеоларды көру үшін YouTube арнамызға жазылыңыз
С. Сатыбалдина