СҚО-да сирек кездесетін қару табылды
![СҚО-да сирек кездесетін қару табылды](/userdata/news/news_111540/image_l.jpg)
СҚО полицейлері сирек кездесетін қаруды заңсыз сақтаған тұрғынды ұстады, - деп хабарлайды Massaget.kz тілшісі.
Солтүстік Қазақстан облысы полиция департаменті экстремизмге қарсы іс-қимыл басқармасының қызметкерлеріне атыс қаруын заңсыз сақтайтын облыс орталығының тұрғыны туралы жедел ақпарат түскен.
9 шілдеде ер адамның тұрғылықты жері бойынша тергеу іс-қимылдары барысында оның үйі мен гаражының жертөлесінен Шпагина пулеметі, Мосин мылтығының пышағы, травматикалық және пневматикалық тапаншалар, 11 түрлі оқ-дәрі, 8 пышақ тәркіленді.
"Атыс және суық қаруды заңсыз сақтау дерегі бойынша қылмыстық іс қозғалды. Қылмыстық іс шеңберінде тәркіленген заттар бойынша сот сараптамалары тағайындалды, тергеу әрекеттері жүргізіліп жатыр", - деп жазылған хабарламада.
Қызықты жаңалықтар мен видеоларды көру үшін TikTok арнамызға жазылыңыз!
Ж. Қадыржанова