СҚО-да бір отбасы газға уланып қалды

Солтүстік Қазақстанда бір отбасы газға уланды. Кәмелет жасына толмаған екі бала ауруханаға жеткізілді, - деп хабарлайды Massaget.kz тілшісі Almaty.tv телеарнасына сілтеме жасап.

Оқыс оқиға Петропавл қаласындағы Жұмысшы кентінде пеш мұржасының бітелуінен болған. Дәрігерлер ересектерді тексеріп, ем тағайындады. Ал 2012 және 2016 жылы туған балалар ауруханаға жатқызылды. Қазір олардың жағдайы тұрақты.

Өңірде биыл көмірқышқыл газынан улану салдарынан 20 адам зардап шегіп, 3 азамат қаза тапқан.

"Көмірқышқыл газының иісін бірден сезбейсің. Басыңыз ауруы мүмкін. 9 қыркүйекте 2 баланың газға уланғаны туралы хабарлама түсті. Келген кезде пештің мұржасы бекітіліп, сол себепті түтіннің шықпағаны анықталды", – деді СҚО Төтенше жағдайлар департаменті басқармасының аға инженері Нұрлан Баяхметов.

Аптаның басты оқиғалары мен пайдалы видеоларды көру үшін YouTube арнамызға жазылыңыз