Сирек кездесетін балық түрлерін аулағандарға 12 миллион теңгеге жуық айыппұл салынды
![Сирек кездесетін балық түрлерін аулағандарға 12 миллион теңгеге жуық айыппұл салынды](/userdata/news/news_106769/image_l.jpg)
Атырау облысында 9 тоннадан аса балық тәркіленді, - деп хабарлайды Massaget.kz тілшісі "Ақ Жайық" басылымына сілтеме жасап.
"Жайық-Каспий" облысаралық бассейндік балық шаруашылығы инспекциясының инспекторлары 533 заңбұзушылықты анықтады. Соның нәтижесінде 386 тұлға әкімшілік жауапкершілікке тартылды.
Сондай-ақ, сирек кездесетін, жойылып бара жатқан балық түрлерін заңсыз ұстау баптары бойынша 50 қылмыстық іс қозғалды. Заңбұзушыларға 11,6 миллион теңге айыппұл салынды.
"Заңсыз айналымнан 9 тонна 729 келі балық, оның ішінде 1 тонна 412,2 келі бекіре тұқымдас балық, 6 келі 028 грамм бекіре уылдырығы, 82 аулау құралы және 25 су көлігі тәркіленді", - деді "Жайық-Каспий" облысаралық балық шаруашылығы бассейндік инспекциясы бөлім басшысының міндетін атқарушы Олег Тушканов.
Бұл бағыттағы тексеріс 31 мамырға дейін жалғасады.
Аптаның басты оқиғалары мен пайдалы видеоларды көру үшін YouTube арнамызға жазылыңыз
Ж. Қадыржанова