Синоптиктер қай өңірлерге құрғақшылық төніп тұрғанын айтты

Синоптиктер шілдеде еліміздің бірқатар өңірінде құрғақшылық болатынын ескертті, - деп хабарлайды Massaget.kz тілшісі.

"Қазгидромет" РМК 2025 жылғы шілдеге арналған құрғақшылыққа байланысты болжамды жариялады. Жауын-шашын күтілмейтін өңірлер тізімінде 13 облыс қамтылған.  

Синоптиктер ауа температурасының жоғарылауы және жауын-шашынның жетіспеушілігі еліміздің жеке аймақтарында құрғақшылық жағдайларының күшеюіне ықпал ететінін ескертеді. 

2025 жылдың шілде айында бірқалыпты құрғақшылық жағдайлары мына елдімекендерде күтіледі:

• Батыс Қазақстан облысында Жәнібек және Казталов аудандарында;
• Ақтөбе облысында Шалқар және Мұғалжар аудандарында;
• Атырау облысында Индербор ауданында;
• Маңғыстау облысында Бейнеу, Маңғыстау және Қарақия аудандарында;
• Қостанай облысында Амангелді, Жангелді аудандарында;
• Қарағанды облысында Ақтоғай және Шет аудандарында;
• Ұлытау облысында Ұлытау ауданында;
• Абай облысында Аягөз және Үржар аудандарында;
• Алматы облысында Балқаш, Жамбыл және Еңбекшіқазақ аудандарында;
• Жетісу облысында Алакөл, Қаратал аудандарында және ішінара Панфилов ауданында таулы жерлерден басқасы;
• Жамбыл, Түркістан және Қызылорда облыстарының басым бөлігінде.

Синоптиктер сөзінше, еліміздің қалған аумақтарында ылғалдану жағдайлары нормаға жуық болады деп күтіледі.

Instagram парақшамызға жазылып, ең қызықты ақпараттарды бірінші болып оқыңыз!